هەرێم نیوز
ئەمڕۆ دووشەممە (٢٥ی ئایاری ٢٠٢٦)، مەسرور بارزانی، سەرۆکی حکومەتی هەرێمی کوردستان، لە چوارچێوەی دیدارە دیپلۆماسی و سیاسییە بەردەوامەکانیدا لە بەغدای پایتەخت، پێشوازی لە مستەفا ئکازمی، سەرۆک وەزیرانی پێشووتری عێراق کرد.
تاووتوێکردنی هاوسەنگی و دۆخی گشتیی ناوچەکە
لە دیدارەکەدا، دۆخی گشتیی سیاسی و ئەمنیی عێراق و گۆڕانکارییە خێراکانی ناوچەکە بە چڕی گفتوگۆیان لەسەر کرا. هاوکات پەرەپێدانی پەیوەندییەکانی نێوان هەرێمی کوردستان و حکومەتی فیدراڵ وەک تەوەرێکی گرنگ نێو ڕوانگەی هەردوولا تاووتوێ کرا.
هەڵسەنگاندنی ئەرێنی بۆ سەردانەکەی سەرۆکی حکومەت بۆ بەغدا
بەشێکی سەرەکیی گفتوگۆکانی نێوان مەسرور بارزانی و مستەفا کازمی، تەرخانکرا بۆ خستنەڕووی دەرئەنجام و ڕەهەندەکانی سەردانی ئەم دواییەی سەرۆکی حکومەتی هەرێمی کوردستان بۆ بەغدا و زنجیرە کۆبوونەوەکانی لەگەڵ بەرپرسانی باڵای حکومەتی فیدراڵ و سەرکردەی لایەنە سیاسییەکانی عێراق.
هەردوولا هاوڕا بوون کە ئەم جۆرە دیالۆگە ڕاستەوخۆیانە هەنگاوی گرنگن بە ئامانجی دۆزینەوەی چارەسەری بنەڕەتی و ڕیشەیی بۆ سەرجەم کێشە هەڵپەسێردراوەکان، بە جۆرێک کە هاوتەریب بێت لەگەڵ چوارچێوەی دەستووری هەمیشەیی و پاراستنی مافی سەرجەم پێکهاتەکان.