هەرێم نیوز
هەریەک لە فوئاد حسین، جێگرى سه‌رۆكوه‌زیرانى عێراق و به‌نگین رێكانى، وه‌زیرى ئاوه‌دانكردنه‌وه و نیشته‌جێبوون له‌سه‌ر پشكى پارتى دیموكراتى كوردستان بۆ جارى دووه‌م بایكۆتى كۆبوونه‌وه‌ى ئه‌مڕۆی ئه‌نجوومه‌نى وه‌زیرانى عێراقیان كرد.
ئەمەش وەک کاردانەوەیەک بەرامبەر بە بڕینی مووچەی فەرمانبەران و شایستە داراییەکانی هەرێمی کوردستان لەلایەن حکومەتی عێراق.
بایكۆتكردنى وه‌زیره‌كانى پارتى له كۆبوونه‌وه‌كانى ئه‌نجوومه‌نى وه‌زیرانى عێراق به فه‌رمانى بارزانى، سه‌رۆكى پارتى و بڕیارى مه‌كته‌بى سیاسى و سه‌ركردایه‌تى ئه‌و حزبه‌یه.
ڕۆژی ڕابردووش شاخەوان عەبدوڵڵا، جێگری سەرۆکی پەرلەمانی عێراق وتی: داوا دەکرێت پەرلەمانی عێراق کۆببێتەوە، بەڵام ئێمە ڕێگە نادەین دانیشتنی پەرلەمان بکرێت تا دۆسیەی مووچەی فەرمانبەران یەکلایی نەکرێتەوە.
هەر سەبارەت بە بڕینی مووچەی فەرمانبەرانی هەرێمی کوردستان، وەزارەتی دەرەوەی ئەمریکا و نوێنەری نەتەوە یەکگرتووەکان هاتوونەتە دەنگ و داوای چارەسەرکردنی ئەم کێشەیە دەکەن.