هەرێم نیوز
ڕۆژنامەی سەباح- نیمچە فەرمی عێراق بڵاویکردەوە، ڕێککەوتنی چاوەڕونكراوی بەغداد و هەرێم هەنگاوێکی ئەرێنییە بۆ چەسپاندنی پرەنسیپی هاوبەشی نیشتمانی و تەواوكاری ئابووری.
نادیە عەبودی، نوێنەری پارێزگاری بەسرە، راگەیاندووە: رێککەوتنی چاوەڕوانكراوی ئەم دواییەی نێوان حکومەتی فیدراڵی و حکومەتی هەرێمی کوردستان، هەنگاوێکی گرنگە بەرەو چەسپاندنی پرەنسیپی هاوبەشی لە نێوان هەردوولاو، بەهێزكردنی بنەمای دادپەروەری لە دابەشکردنی داهاتەكان و، بەدیهێنانی گەشەپێدانی هەمەلایەنە.
وتوشیەتی: ئەنجومەنی نوێنەران بە توندی پشتگیری لە هەر رێککەوتنێک دەکات کە لەسەر بنەمایەكی شەفاف و دادپەروەرانە بونیاد بنرێت و، پرەنسیپی هاوبەشی نیشتمانی بەهێز بکات.
ئاماژەی بەوەشداوە، لە بەردەوامی ئەم شێوازە لە کۆدەنگی و چالاککردنی لە ڕێگەی لیژنە هاوبەشەکانی بەدواداچوون بۆ دڵنیابوون لە جێبەجێکردنی و دوورکەوتنەوە لە پەرەسەندنی میدیایی یان سیاسی.
ئەمەش لە کاتێکدایە، دوێنێ شەممە حەیان عەبدولغەنی، وەزیری نەوتی عێراق ڕایگەیاند، هەرێم و بەغدا لەسەر زۆربەی بڕگەكان تایبەت بە هەناردەكردنەوەی نەوتی كوردستان گەیشتونەتە ڕێككەوتن.