هەرێم نیوز
سەرچاوەیەکی باڵا بە هەرێم نیوزی راگەیاند، هەرێم و بەغدا زۆر نزیکن لە رێککەوتن، دەشڵێت، بەمزوانە بەغدا موچە دەنێرێت.
سەرچاوەیەکی باڵا لە حکومەتی هەرێمی کوردستانەوە بۆ دیجیتاڵ میدیای هەرێم نیوز رایگەیاند،گفتوگۆکانی نێوان هەردوو حکومەتی هەرێم و عێراق بەرەوپێشچوونی باشی بەخۆوە بینوە و بەم نزیکانە دەگەنە رێککەوتن.
ئەو سەرچاوەیە وتیشی، رێککەوتنەکە بەمشێوەیە کە نەوت لەرێگەی سۆمۆوە هەناردە دەکرێت و بەغداش تەواوی شایستە داراییەکانی هەرێم دەنێرێت.
لەماوەی رابردوودا فشارە نێودەوڵەتییەکان بەتایبەت ئەمریکا لەسەر هەردوو حکومەتی هەرێم و عێراق کاریگەری هەبووە لەسەر نزیک بوونەوەی هەردوولا بۆ گەیشتەن بە رێککەوتن.
ئەمەش لەکاتێکدایە، ماوەی دوو مانگە حکومەتی عێراق بەبیانووی جیاواز موچە و بودجەی هەرێمی کوردستانی نەناردووە، بڕیارە لە دوای رێککەوتنە چاوەڕوانکراوەکەیان کێشەی موچە بەیەکجاری کۆتایی پێبێت.