هەرێم نیوز
سەرۆکایەتی کۆماری عێراق، بەئامانجکردنی کێڵگە نەوتییەکانی خورمه‌ڵه له پارێزگای هه‌ولێر، کێڵگەی نەوتی سەرسەنگ لە سنوری پارێزگای دهۆک و ناوچەکانی دیکە سەركۆنە دەكات و داوا لە دەزگا ئەمنییەکانی پەیوەندیدار لە حکومەتی فیدراڵی و حکومەتی هەرێم دەکات، ڕێوشوێنی گونجاو و بەپەلە بگرنەبەر.
سەرۆکایەتی کۆماری عێراق ئەمڕۆ سێشەممە لە ڕاگەیەندراوێكدا بڵاویكردەوە، بەئامانجکردنی کێڵگە نەوتییەکانی هەرێم سەركۆنە دەكەن و دوبارەبونەوەی ئەم هێرشەی ئاشکرایانە هەڕەشە لە ئاسایش و سەقامگیری وڵات دەکات. بناغەکانی ئابوری لاواز دەکات و نوێنەرایەتی بە ئامانجگرتنی بەرژەوەندییە گشتیەکانی دەوڵەت و هەڕەشە لەسەر ئاسایشی هاوڵاتیان دروستدەکات.
ئاماژەی بەوەشكرد، هێرشەكان بناغەکانی ئابوری لاواز دەکات و نوێنەرایەتی بە ئامانجگرتنی بەرژەوەندییە گشتیەکانی دەوڵەت و هەڕەشە لەسەر ئاسایشی هاوڵاتیان دروستدەکات. پێویستی بە هەوڵی زیاترە بۆ پاراستنی ئاسانکارییە ئابورییەکانمان و دابینکردنی ژینگەیەکی گونجاو بۆ کۆمپانیاکانی وەبەرهێنان بۆ ئەوەی لە وڵاتدا کاربکەن.
بەگوێرەی ڕاگەیەندراوەكە، سەرۆکایەتی کۆمار داوا لە دەزگا ئەمنییەکانی پەیوەندیدار لە حکومەتی فیدراڵی و حکومەتی هەرێم دەکات، ڕێوشوێنی گونجاو و بەپەلە بگرنەبەر بۆ ئاشکراکردنی تاوانباران و پێشگرتن لە دوبارەبونەوەی ئەو جۆرە هێرشە تیرۆریستیانەی کە مەترسی لەسەر ئابوری عێراق و ئاسایش و سەلامەتی هاوڵاتیانی دروست دەکەن.
ئەوە لەكاتێكدایە شه‌وی رابردو له‌ڕێگه‌ی دو درۆنی بۆمبڕێژكراوه‌وه هێرشكرایە سه‌ر كێڵگه‌ی نه‌وتی خورمه‌ڵه له‌سنوری قه‌زای مه‌خمور له پارێزگای هه‌ولێر و زیانی ماددی لێكه‌وته‌وه.
هەروەها بەیانی ئەمڕۆش، كێڵگەی نەوتی (سەرسەنگ) لە سنوری پارێزگای دهۆك كە بە درۆن هێرشی كرایەسەر، كە رێژەی (62%)ی پشكەكانی کێڵگە لای كۆمپانیای (HKN)ی ئەمریکییە، ئەم كۆمپانیایە هاوكات لەگەڵ هێرشە درۆنییەكەدا، گرێبەستێكی كاركردنی لە حكومەتی عێراق لە كێڵگەی (حەمرین) لە كەركوك پێدرا.