هەرێم نیوز
كای هاڤێرتز، ئەستێرەی ئەڵمانی یانەی ئارسیناڵی ئینگلیزی تووشی پێكان بوو.
لە یەكەم یاریی وەرزی نوێی پرێمەرلیگ كای هاڤێرتز وەک یاریزانی یەدەک لە خولەكی 60 بەرامبەر مانچێستەر یونایتد بەشداریكرد.
بە گوێرەی زانیارییەكانی دەیڤد ئۆرنشتاین، كای هاڤێرتز لە ئەژنۆیدا پێكانی هەیە و ماوەیەكی زۆر لە یاریگاكان دووردەكەوێتەوە.
ئارسیناڵ لە دوای پێكانەكەی هاڤێرتز هەوڵی گواستنەوەی هێرشبەرێک دەدات.
هاڤێرتز لە هاوینی 2023 لە ریزەكانی چێڵسیەوە بە بەهای 75 ملیۆن یۆرۆ پەیوەندی بە ئارسیناڵەوە كرد و بەهای ئێستای لە بۆرسەی یاریزاناندا 65 ملیۆن یۆرۆیە.